حضرت مولانا مفتی محمد اورنگ زیب عالم رضوی مصباحی ایک تعارف*

 *حضرت مولانا مفتی محمد اورنگ زیب عالم رضوی مصباحی ایک تعارف*

*از قلم* *حدیث انصاری


مصباحی*

گڑھوا جھارکھنڈ

*نام و نسب* محمد اورنگ زیب عالم بن اصغر علی بن مرحوم عبداللہ بن مرحوم بِپھّن شیخ بن مرحوم جیتو میاں انصاری

*تاریخ پیدائش* ١٥ستمبر ١٩٩٧ء کو قصبہ دھرکی میں سوموار کو پیدا ہوئے

مگر آدھار کارڈ میں ٢,١١,٢٠٠٠ ہے

*پورا پتہ* مقام + پوسٹ + تحصیل(block) + تھانہ، دھرکی ضلع گڑھوا جھارکھنڈ

*آبائی وطن* ضلع گڑھوا سے دو کلومیٹر دور مشہور قصبہ کلیانپور کے اصلی باشندے تھے

*خاندانی پس منظر* ابتدائی دور میں انتہائی غریب تھے، کیونکہ دادا دادی اس وقت ہی انتقال کر گیے جب کہ والد صاحب محض چار یا پانچ سال کے تھے، اور ان کے دادا ١٩٦٦ء کی قحط سالی میں ساری جائیداد کلیانپور سے بیچ کر دھرکی آ گیے، مگر یہاں بھی مخصوص لوگوں نے دھوکہ دیا اور سب پیسے ہضم کر گیے، اسی دوران دادا دادی انتقال بھی کر گیے، اور گھر بار جو بچے تھے کلیانپور میں بھائیوں نے قبضہ کر لیے، اس طرح ان کے والد یتیم بے سہارا ہو گیے۔

مگر والد صاحب بچپن سے مزدوری کیے اسی دوران نماز وغیرہ کی ترکیب اور کچھ ضروری مسائل بھی سیکھ لیے، اور ان کے والد کے نانا مرحوم موسٰی میاں کی عنایت کی ہوئی زمین دھرکی میں ابھی گھر ہے۔ بعض لوگوں نے بھیک مانگنے کو کہا مگر آپ نے انکار کر دیا اور ہمیشہ محنت و مشقت کئے اکثر مرتبہ فاقہ کشی کی نوبت بھی آئی مگر بچوں کی پرورش اور تعلیم وتربیت میں کچھ کمی نہیں ہونے دی بلکہ ہمیشہ محنت کو اپنی عادت بنائی۔

*رابطہ نمبر* 9026451144

*تعلیم و تربیت* آپ اپنے گاؤں کے *دارالعلوم غوثیہ نوریہ* میں ابتدا تا جماعت اعدادیہ تک کی تعلیم حاصل کیے۔

بعدازاں جماعت اولی دارالعلوم *حبیبہ رضویہ* ، گوپی گنج اور ثانیہ *شمسیہ تیغیہ* ،بھدوہی میں۔

بعدازاں سنہ ٢٠١٣ء کو عظیم درسگاہ دارالعلوم اہلسنت *ضیاء العلوم خیرآباد* ،مئو میں جماعت ثالثہ تا سادسہ( عالمیت) تک کی تعلیم حاصل کی۔

اور سنہ ٢٠١٧ء میں *الجامعۃ الاشرفیہ* مبارک پور میں داخلہ لیا، جماعت سابعہ( فضیلت سال اول) ثامنہ (فضیلت مکمل) کیا اور ٧ فروری ٢٠١٩ء بروز جمعرات عرس حافظ ملت کے پربہار موقع پر دستار فضیلت سے نوازےگیے۔

پھر وہیں سے دو سالہ مشق افتاء بھی کیا اور ٦ مارچ ٢٠٢١ء بروز سنیچر دستار تحقیق و افتاء سے نوازےگیے۔

*بیعت* بیعت حضور تاج الشریعہ علامہ *اختر رضا خاں ازہری* سے ہوئے۔


*خدمات* 

فراغت کے بعد دارالعلوم اہلسنت فیض القرآن، ادےپور بھوڑا، شاہجہاں پور یوپی میں سال بھر تدریسی فرائض انجام دئیے، مگر بچے ابتدائی درجات ہی کے تھے اس وجہ سے وہاں کا نظام تعلیم درست کرکے، اپنے ضلع گڑھوا کے مشہور ادارہ *دارالعلوم غریب نواز* ، جھلوا میں تدریس کے لیے بلائے گئے اور وہیں پر اعدادیہ تا سادسہ (عالمیت) تا حال بخوبی تدریسی فرائض کی انجام دہی کر رہے ہیں، وہیں کبھی کبھی تبلیغی دورے بھی پاس پڑوس میں کرتے ہیں کیونکہ حضرت ایک اچھے خطیب بھی ہیں۔

*مضمون نگاری* دوران طالب علمی ہی سے مضمون نویسی، مقالہ نگاری اور تقریر (خطبہ) میں مکمل مہارت حاصل تھی ، یہی وجہ ہے کہ کئی مختلف اخبارات ، میگزین و رسائل میں مضامین و مقالات نشر ہوتے رہے۔

واقعی حضرت ایک ہونہار مضمون نگار ہیں ان کے مضامین سے قوم و ملت کے لیے دردمندی کا اظہار ہوتا ہے۔ وہیں آپ کے متعدد خطبات سوغات جمعہ میں تحریری شکل میں موجود ہیں۔


حضرت دعوت و تبلیغ کو لیکر کافی حساس ہیں ہمیشہ تبلیغ دین سے وابستہ اور دعوت حق کے لیے کوشاں رہتے ہیں یہی وجہ ہے کہ قصبہ دھرکی میں اصلاح معاشرہ کمیٹی جو خاص علماء کی کمیٹی ہے اس کے صدر منتخب کیے گیے ہیں۔

*ازدواجی زندگی اور اولاد* 

حضرت کی شادی ٣ اگست ٢٠٢٠ء سوموار کو شب میں انہی کے مرحوم بھائی یوسف کی بیوہ سے ہوئی (حضرت کے مشفق بھائی مرحوم یوسف رضا جن کی محنت شاقہ سے آپ کی تعلیم مکمل ہوئی، جو حضرت کے دستار فضیلت کے بعد ٩, دسمبر ٢٠١٩ء کو انتقال پر ملال کر گئے تھے)، بغیر کسی دعوت ، بارات اور دہیز کے ٢٠/٢٥ ذمہ داران کی موجودگی میں ہوئی، سنت رسول صلی اللہ علیہ وسلم کی برکت ہوئی اور ١١, ستمبر ٢٠٢١ء کو محمد فاتح (پہلا لڑکا) اور ٢٩, جولائی ٢٠٢٣ء کو محمد صادق (دوسرا لڑکا) پیدا ہوئے۔


*آپ کے مشہور اساتذہ* 

شارح مسلم و ملا حسن حضرت علامہ *مولانا بدر الدجیٰ* رضوی مصباحی، حضرت علامہ مولانا *نذیر احمد* منانی، *مولانا اظہار* صاحب و جملہ اساتذہ ضیاء العلوم خیرآباد، حضرت مولانا حبیب اللہ بیگ ازہری، حضرت *مولانا نفیس احمد* مصباحی مولانا *مفتی صدر الوری* مصباحی مبارک پور، مولانا ماسٹر حسیب اختر مصباحی مبارک پور، حضرت مولانا *مفتی بدر عالم* مصباحی مبارک پور، حضرت *مولانا مسعود برکاتی* مصباحی مبارک پور، حضرت مولانا *مفتی نسیم* صاحب مبارک پور، حضرت مولانا *معراج القادری* علیہ الرحمۃ، حضرت علامہ مولانا *مفتی ناظم علی مصباحی* سراج الفقہاء حضرت *مفتی نظام الدین رضوی* مصباحی، خیر الاذکیاء حضرت علامہ مولانا *محمد احمد مصباحی* صاحب قبلہ و جملہ اساتذہ اشرفیہ مبارک پور

 مولانا فیاض احمد، مولانا عالم قادری، مولوی غیاث الدین شمسی (سے ابتدائی تعلیم وتربیت حاصل کی) 

حضرت مولانا فیصل حسین اشرفی پرنسپل شمسیہ تیغیہ بھدوہی۔

*آپ کے مشہور رفقاء درس*

حضرت مولانا غلام احمد رضا مصباحی کشن گنج، مولانا محمد رضا مصباحی مدھوبنی، مفتی شفاء المصطفی مصباحی سیتا مڑھی، مولانا ابوھریرہ مصباحی رامگڑھ، مفتی جنید عالم مصباحی یوپی ، مفتی امجد مصباحی اورنگ آباد، مفتی عبد المجید مصباحی ازہری جھارکھنڈ، مولانا غلام مصطفیٰ مصباحی پلاموں و دیگر فارغین جامعہ اشرفیہ ٢٠١٩ء

تبصرے

ایک تبصرہ شائع کریں

اس بلاگ سے مقبول پوسٹس

کیا فائدہ ایسی تعلیم کا جو کافر کردے

تصویر
*کیا فائدہ ایسی تعلیم کا جو کافر کردے* تحریر: محمد اورنگزیب عالم رضوی مصباحی     آج کل ایک ٹرینڈ چلا ہوا ہے کہ ہر کوئی مسلم اسکول کھولنے کی اپیل کر رہا ہے، وہیں کثیر تعداد میں لوگ مدرسہ ہی کو اسکول بنانے یا اسکول ماڈل بنانے کے تگ و دو میں کوشاں ہیں، یقینا پہلے طبقہ سے ہمیں اتفاق بھی ہے کہ یہ تعلیم و ترقی کا اہم ترین زینہ ثابت ہو سکتا ہے، یقینا مسلمان اہل ثروت کو اس جانب خصوصی توجہ دینی بھی چاہیے۔ مگر حقیقت اس کے بر عکس ہے اکثر مسلم اسکول کے ٹرسٹی یا مالکان ضروریات دین سے جاہل ہوتے ہیں نام کے مسلم اسکول چلاتے ہیں اور حرام کاری اور بےحیائی کو عروج دیتے ہیں الا ماشاء اللّٰہ۔     ہم اپنے علاقے کی بات کریں تو ہمارے ضلع گڑھوا جھارکھنڈ میں کئی ایسے اسکول ہیں جن کے ذمہ داران اور مالکان مسلم ہیں مگر اس کے باوجود وہاں پر کفریہ عقائد پر مشتمل پراتھنا اور دیگر ایکٹویٹی رائج ہیں، لباس بچوں کے لیے ہاف پینٹ شرٹ اور بچیوں کے لیے اسکرٹ۔ اکثر اسکولوں میں مسلم تیوہار میں تو مکمل چھٹی رہتی ہے مگر ہندو تیوہار بڑے پیمانے پر منایا جاتا ہے مثلا دیوالی ہولی رنگولی وغیرہ۔ فنکشن یوم آزادی کا ہ...
مزید پڑھیں

*حافظ ملت ایک انقلابی شخصیت*

تصویر
  *حافظ ملت ایک انقلابی شخصیت* تحریر: اورنگ زیب عالم رضوی مصباحی(دارالعلوم غریب نواز جھلوا،گڑھوا، جھارکھنڈ)       ابوالفیض حضور حافظ ملت مولانا الشاہ عبدالعزیز علیہ الرحمۃ والرضوان،بانی الجامعۃ الاشرفیہ مبارک پور،ان معزز شخصیات میں سے تھے جن کی نگاہ فیض سے آج تقریبا تین چوتھائی دنیا کے مسلم باشندے بالواسطہ فیض یاب ہو رہے ہیں ۔           اعلی حضرت امام احمد رضا خان فاضل بریلوی کے بعد یوں تو بہت سے علماء و صلحاء تشریف لائے اور انہوں نے دین و سنیت کے فروغ میں نمایاں کردار بھی ادا کیا اور ہمارے درمیان بڑے بڑے فقیہ ،محدث ،متکلم وغیرہ پیدا بھی ہوئے مگر علمائے اہل سنت کو ایک عظیم علمی قلعہ کی سخت ضرورت تھی جس میں ہزاروں کی تعداد میں تشنگان علوم نبویہ اپنے علمی پیاس بجھا سکیں، کیونکہ اہل سنت کے پاس کوئی بڑی درسگاہ نہ تھی کچھ مدارس تھے تو بہت چھوٹے تھے اور جو مدارس بڑے تھے وہ آزادی سے قبل انگریزوں کے سرمائے سے تعمیر شدہ انگریزوں کے پروردہ بد عقیدوں  کے زیر انتظام تھے۔        اس سخت ضرورت کو پیش نظر رکھتے ہوئے علمائے حق نے دن ر...
مزید پڑھیں

*غوث اعظم عبدالقادر* جیلانی رحمۃاللہ علیہ *کا علمی مقام* ⁦

تصویر
 *غوث اعظم عبدالقادر* جیلانی رحمۃاللہ علیہ *کا علمی مقام* ⁦✍️⁩ محمد اورنگزیب عالم مصباحی (گڑھوا جھارکھنڈ)  رکن: مجلس علمائے جھارکھنڈ مکرمی! اللہ رب العزت کا بڑا کرم اور بے پناہ احسان ہے کہ اس نے ہر دور میں ہمیں راہ راست پر پر لانے کا مکمل انتظام و انصرام فرمایا جیسے ہمارے سرکار تاجدار ختم نبوت جناب احمد مجتبی محمد مصطفی صلی اللہ علیہ وسلم کی بعثت سے قبل انسانوں کی ہدایت کے لیے انبیاء کرام دنیا میں تشریف لاتے تھے مگر جب نبوت کا دروازہ بند ہو گیا تو اللہ تعالی نے ہماری ہدایت کے لئے وارث انبیاء یعنی اولیاء کرام، مجتہدین عظام اور علمائے ذی الاحترام کو اس خاکدان گیتی پر بھیجتا ہے جن کے سپرد مختلف دینی کام ہوتے ہیں یوں تو کبھی اولیاء مجتہدین اور علماء کا طبقہ الگ الگ شمار کیا جاتا ہے مگر حقیقت یہ ہے کہ سب اللہ کے نیک بندے ہیں سب کا کام بھٹکے ہوؤں کو راستہ بتانا ہے آج ہم ایسی شخصیت کے بارے میں بات کریں گے جو تنہا ولی ہی نہیں بلکہ ولیوں کے سردار اور اس کے ساتھ ساتھ استاد العلماء والافتاء بھی تھے ہم بات کر رہے ہیں پیر پیراں میر میراں شیخ عبدالقادر جیلانی رحمتہ اللہ علیہ کی  ہمارے ...
مزید پڑھیں